Vettel legg opp etter sesongen

Sebastian Vettel avslører at han gir seg som Formel 1-førar etter inneverande sesong. Tyskaren er fire gonger verdsmeister og har vunne 53 løp.

sebastian.melsom.johansen@ntb.no/hege.grov@npk.no

Publisert: 28.07.2022 kl 12:15

Det stadfestar Aston Martin-føraren på Instagram.

– Eg elskar denne sporten og han har vore sentral i livet mitt så lenge eg kan hugse. Men så lenge det er eit liv på banen, er det også eit liv utanfor. Eg har aldri kjent på at min einaste identitet er som racerførar, seier Vettel i videoen.

35-åringen har hatt ein skuffande sesong og ligg heilt nede på 14.-plass i VM-samandraget med berre 15 poeng. Vettels beste plassering denne sesongen er 6.-plassen i Aserbajdsjan i juni.

Vettel debuterte i Formel 1 i USA i 2007. Sidan den gong har han vunne 53 løp og vart kåra til verdsmeister i 2010, 2011, 2012 og 2013. Han står med 122 pallplassar framfor det ti siste løpet sine som Formel 1-førar.

Tyskaren har køyrt for lag som BMW, Toro Rosso, Red Bull, Ferrari og Aston Martin.

(©NPK)

Sebastian Vettel legg opp etter sesongen. Foto: Matthias Schrader / AP / NTB