Vietnams president er død
Vietnams president Tran Dai Quang er død. Han blei 61 år gammal.
Ifølgje Vietnams offisielle nyheitsbyrå døydde Quang fredag på militærsjukehuset i Hanoi grunna alvorleg sjukdom. Dei oppgir ikkje fleire detaljar.
Quang tok imot USAs president Donald Trump under hans første statsbesøk til det kommunistiske landet i fjor. Quangs siste offentlege framferd var under ei samling i det regjerande Kommunistpartiet og under mottakinga av ein kinesisk delegasjon onsdag.
Offentlegheita såg ikkje den vietnamesiske presidenten i meir enn ein månad i fjor, noko som utløyste spekulasjonar rundt helsa hans.
Tidlegare sikkerheitsminister Quang blei valt som Vietnams president i 2016. Han var ein av dei tre mest mektige leiarane i landet, saman med kommunistpartileiar Nguyen Phu Trong og statsminister Nguyen Xuan Phuc.
(©NPK)
Vietnams president Tran Dai Quang, her i samband med eit besøk frå Russlands utanriksminister Sergej Lavrov i mars, døydde fredag 61 år gammal. Foto: AP / NTB scanpix.