Vond ankel stoppar Johaug – står over Reistadløpet

Det kjem fram i ei melding frå Team Ragde Charge.

– Therese har dessverre fått vondt i ein ankel og slit med å få på seg skisko. Då seier det seg sjølv at det blir vanskeleg å gå 50 kilometer i tungt terreng, seier manageren til laget Jørgen Aukland.

For to veker sidan prøvde Johaug seg i Birkebeinerrennet. Der vart ho toar etter å ha vorte slått av Slind, som staka seg inn til siger. Også det løpet var ein del av langløpscupen Ski Classics.

Johaug legg opp som landslagsløpar i langrenn etter sesongen.

(©NPK)

Therese Johaug i ski-NM i Harstad nyleg. Foto: Terje Pedersen / NTB