Vos til topps i opninga av Tour of Scandinavia

Syklist Marianne Vos vann den første etappen av Tour of Scandinavia etter ein jamn spurt i Helsingør.

lars.eide@ntb.no/paula.jee.ullaland@npk.no

Publisert: 09.08.2022 kl 18:16

Sist oppdatert: 09.08.2022 kl 20:28

Nederlandske Vos (Jumbo-Visma) vann føre Megan Jastrab (DSM) og Shari Bossuyt (Canyon) i den 145 kilometer lange etappen frå København til Helsingør.

– Det gjekk veldig, veldig fort. Eg var veldig nervøs. Alle ønskjer å vere langt framme, men eg er veldig glad for å kunne ta det, sa Vos til TV 2 etter sigeren.

Det norske håpet Susanne Andersen kom seg aldri i ein god posisjon i massespurten og hamna utanfor topp ti.

– Med 500 meter igjen prøvde eg å komme meg inn på Mariannes (Vos) hjul inne ved barrierane, fordi eg tenkte at ho ville finne ei opning, men eg trur det kom nokre Trek-jenter og lukka det for meg, sa Uno-X-ryttaren Andersen til TV 2.

Den andre etappen går frå Orust til Strömstad onsdag før rittet bevegar seg inn i Noreg. Torsdag skal det syklast frå Moss til Sarpsborg. Rittet blir avslutta i Halden laurdag.

(©NPK)

Marianne Vos vann første etappe av Tour of Scandinavia. Her under Tour de France tidlegare i sommar. Foto: Jean-François Badias / AP / NTB