Vulkanutbrot i sårbart miljø på Galápagos

Ifølgje tenestemenn frå Galápagos nasjonalpark (PNG) har naturen og dyrelivet på øya svært høg økologisk verdi. Øya husar ei rekke artar, mellom dei iguanar, pingvinar, slangar og ei utryddingstrua rotte, og miljøet er kjenslevart for ytre påverknad.

Utbrotet frå vulkanen La Cumbre på øya Fernandina byrja søndag og starta etter eit jordskjelv med ein styrke på 4,7. Det har vore 29 registrerte etterskjelv. Vulkanen La Cumbre hadde òg eit utbrot i 2018.

Den 1.467 meter høge vulkanen har ifølgje PNG fått ein synleg sprekk, og ein straum av lava renn ned mot kysten.

Galápagosøyane står på Unescos verdsarvliste på grunn av den unike naturen sin og dyreliv. Tidlegare undersøkingar har anslått at 90 prosent av krypdyra, 46 prosent av insekta og halvparten av fuglane er artar som er unike for Galápagos.

Øyane, som er rundt 100 mil aust for kysten av Ecuador, gav Charles Darwin grunnlag for å utvikle utviklingslæra si.

(©NPK)

Vulkanen La Cumbre Volcano på øya Fernandina på Galápagos under utbrotet som starta søndag. Foto: Galápagos nasjonalpark / AP / NTB scanpix