VW-juks gav salssvikt

(NPK-NTB-AFP): Bilkjøparane verda over har straffa Volkswagen etter at det blei avslørt korleis dei juksa med utsleppsdata.

Salet av Volkswagen-bilar fall med 5 prosent i fjor, jamfør året før, viser tal frå den tyske bilgiganten.

Volkswagen produserer også Audi, Skoda og Porsche, og samla fall bilsalet til konsernet med 2 prosent i fjor.

Amerikanske styresmakter avslørte i september at Volkswagen hadde installert programvare som skjulte dei reelle partikkelutsleppa frå mange dieselbilar, og VW erkjente kort tid etter at det dreidde seg om 11 millionar bilar som var selde verda over. (©NPK)