Warholm mot kongepokal etter kjempetid i NM: – Noko av det verste eg har sett!

– Det er noko av det verste eg har sett i NM-samanheng, sa NRKs kommentator Jann Post.

– Eg er tilbøyeleg til å vere samd, sa Warholm sjølv til NRK.

46,76 er Warholms fjerde raskaste tid.

27 år gamle Warholm sesongopna med 46,52 og årsbeste i verda under Bislett Games i midten av juni. Det var hans nest raskaste tid nokosinne.

Verdsrekorden held han sjølv. Den vart sett i OL i Tokyo med tida 45,94.

Han nærmar seg 45-talet igjen.

– Vi kan byrje å drøyme om det, sa 27-åringen.

Det skal mykje til om ikkje Warholm får sin sjette kongepokal. Ingen menn har fleire enn det i historia. Sverre Strandli og Andreas Thorkildsen har også seks. På kvinnesida står Grete Waitz med sju.

– Det blir krevjande å ta kongepokalen for dei andre, sa NRKs ekspert Vebjørn Rodal.

I kvinneklassen var Andrea Rooth overlegen og tok det første NM-gullet sitt på 400 meter hekk. Med tida 56,38 noterte ho seg ein klar personleg rekord. Den gamle tida var 57,19.

– Det var dødsgøy! Eg gjekk inn her med ei innstilling om at eg ønskte å gjere det bra, sa Rooth til NRK.

Rooth vann føre Elisabeth Slettum (57,62) og Nora Kollerød Wold (57,89).

(©NPK)

Karsten Warholm under internasjonal pressekonferanse og jordbærparty dagen før Bislett Games. Foto: Beate Oma Dahle / NTB