Yates best i Polen-avslutninga, Kwiatkowski vann samanlagt
Simon Yates vann avslutningsetappen av sykkelrittet Polen rundt fredag. Heimefavoritten Michal Kwiatkowski redda samanlagtsigeren.
Yates kom åleine til mål etter å ha rykka frå resten av samanlagtkandidatane i den siste stigninga på den 136 kilometer lange etappen frå Bukowvina Resort til Bukowvina Tatrzanska.
Franske Thibaut Pinot og italienske Davide Formolo følgde nærmast.
I kampen om leiartrøya gjekk Yates til eit skummelt angrep på Kwiatkowski fredag, men sistnemnde berga likevel samanlagtsigeren. Til slutt skilde det 15 sekund dei i mellom.
Yates blei nummer to.
Verken Edvald Boasson Hagen eller Sven Erik Bystrøm fekk med utfallet av etappen fredag å gjere.
(©NPK)