Zelenskyj: Nivået på den utanlandske hjelpa er akkurat no svært avgrensa
Ukrainas president Volodymyr Zelenskyj seier at den utanlandske hjelpa til landet akkurat no ligg på eit «svært avgrensa nivå».
Zelenskyjs uttale kom i eit videoinnlegg han heldt i Nato-Ukraina-rådet fredag. Han slo fast at det hastar med militær hjelp.
– Ukraina treng langtrekkjande rakettar og artilleri no, sa han.
Ifølgje presidenten treng Ukraina minst sju avanserte Patriot-system.
(©NPK)