Zingle spurta frå feltet i Arctic Race of Norway – Boasson Hagen slokna

Dei sykla snaue 19 mil med start og mål i Mo i Rana. Franskmannen Zingle var overlegen på oppløpet der ryttarane køyrde i lett motbakke.

Cofidis-ryttaren Zingle vann føre Gleb Syritsa og Mathieu Burgaudeau.

Edvald Boasson Hagen låg godt an då feltet hadde eit par kilometer igjen, men han hadde ikkje nok å setje inn på slutten.

– Det var kaldt og vått. Eg hadde ikkje beina til å gjere noko meir mot slutten, sa Boasson Hagen til TV 2.

Håkon Aalrust (Coop) vart beste nordmann på 7.-plass.

Rittet fortset med etappar fredag, laurdag og søndag.

(©NPK)

Axel Zingle frå Cofidis sykla inn til siger på første etappe av Arctic Race of Norway i Mo i Rana torsdag.
Foto: Beate Oma Dahle / NTB

Axel Zingle frå Cofidis jubla for siger på den første etappen i Mo i Rana. Foto: Beate Oma Dahle / NTB

Edvald Boasson Hagen fekk det tungt mot slutten i Arctic Race of Norway. Foto: Bo Amstrup/Ritzau Scanpix / NTB