Zlatan: – Eg gjorde Sverige til mitt land

Etter 116 kampar for Sverige, sette superspissen strek for blågult etter 0-1-tapet mot Belgia i fotball-EM.

Ibrahimovic vart hylla av dei svenske supporterane, sjølv om EM-exiten gjorde vondt. Spissen sa han var «skuffa» etter tapet i ein kamp der han sjølv fekk eit mål annullert. Like etter scora Belgia målet som sende svenskane heim.

Zlatan Ibrahimovic seier han vil sakne å spele i den svenske landslagsdrakta.

– Den har eg vore stolt over å få bere. Det kjem til å følast tungt i starten når landslaget spelar og eg ikkje kan vere med og påverke. Det er blitt 15 år i landslaget, og eg har fått vere kaptein. Eg kom frå vesle Rosengård og gjorde Sverige til mitt land, og det kjem alltid å vere mitt land, sa Ibrahimovic.

– Ein ny Zlatan finn vi aldri. Han er unik, sa landslagssjef Erik Hamrén. (©NPK)