Zuckerberg vil setja ein stoppar for hatinnlegg på Facebook

– Hatmeldingar har ingen plass på Facebook, seier Zuckerberg.

Facebook har hittil ikkje gjort ein god nok jobb med å få fjerna innlegga, medgjev han. Facebook-sjefen, som har vore på ein to dagars sjarmoffensiv i Tyskland for å møta kritikken, seier han forstår kor sensitivt temaet er i Tyskland i kjølvatnet av flyktningsituasjonen.

– Vi har fått beskjeden, og vi skal bli betre, lova 31-åringen til rundt 1.400 menneske som hadde kome til møtet i Berlin fredag.

Zuckerberg ber vidare USA og andre nasjonar følgja Tysklands eksempel. Landet tok imot 1,1 millionar asylsøkjarar i fjor.

– Leiarskapen til Tyskland i flyktningkrisa har vore inspirerande og vore eit førebilete for resten av verda, seier han. (©NPK)